Ibilbide "hobearekin" dator XXIV.AZKOITIAZPEITIA Maratoi Erdia

Oraingoz, 650 korrikalarik eman dute izena maratoi erdian, iaz data hauetan baino 100 lagun gehiagok. Izen-ematea martxoaren 30ean itxiko da. kirolprobak.com webgunean eman daiteke izena. Urtero bezala, eliteko atletak, herrikoiak eta zaleak elkartzea da Azkoitia-Azpeitiaren helburua. Aurten, berrikuntza bezala, lasterketa zuzenean emango dute Erlo Telebistan.

Apirilaren 1ean izango da aurtengo Azkoitia-Azpeitia maratoi erdia Diego bezain handia lelopean, eta antolatzaileak azken prestaketekin dabiltza. Gaur, asteartea, datorren maratoi erdiaren inguruko xehetasunak emateko agerraldia egin dute probaren antolatzaileek, babesleek, Azpeitiko eta Azkoitiko udal ordezkariek eta Diego Garciaren senideek.

Agustin Jimenez Azkoitia-Azpeitiako antolatzaileak eskerrak eman dizkiete lasterketaren babesleei eta maratoi erdia babestu duten erakundeei, tartean Azpeitiko Udalari. Horien laguntzarekin antolakuntza lanak "errezagoak" direla esan du. Bestalde, Azkoitia-Azpeitiaren filosofiaren eta nortasunaren garrantzia azpimarratu du, eta gogoratu du probaren helburuetako bat dela eliteko korrikalariak, herrikoiak eta afizionatuak elkartzea kirolaren inguruan. "Euskal Herrian ez dago gureak duen izaerako probarik. Azkoitia-Azpeitia eliteko probarik herrikoiena da", adierazi du Jimenezek. Horrez gain, aurtengo kanpainarako hautatu duten mezua, Diego bezain handia, lasterketaren "markari so eginez" datorrela esan du.

Maratoi erdiaren 24. edizioa izango da aurtengoa, eta azken urteetan bezela, hiru proba izango dira egun horretan: lasterketa herrikoia, patinatzaileen lasterketa eta maratoi erdia. Sei urteren ostean, aurten ibilbide aldaketa izango da lasterketetan, eta hori da aldaketarik nabarmenena. Agustin Jimenez antolatzaileak azaldu duenez, berria "hobea izango da, bai korrika egiteko eta baita ikusteko ere". Horrez gain, seguruagoa izango dela esan du Jimenezek, eta aldapa eta bihurgune gutxiago izango dituela nabarmendu du. Izan ere, Azpeitia eta Azkoitia arteko G-631 errepidea zabalik mentenduko dute, eta horrela bide mozketa gutxiago egin beharko dituzte.

Elite mailako zortzi korrikalarik hartuko dute parte aurtengo Azkoitia-Azpeitian. Horietatik bost gizonezkoak dira: Titus Kopjumba, Ameraw Bekele, Joseph Kiprono, Emmanuel Bor eta Elias Kibret. Emakumezkoak, aldiz, hiru izango dira: Beatrice Mutai, Leonidah Jemwetick eta Desi Jisa.

Albiste gehiago: www.uztarria.eus

"LUDOTEKA" ZERBITZUA XXIV. AzkoitiAzpeitia Maratoi Erdian eta V. AzkoitiAzpeitia Lasterketa Motzean parte hartu behar duten lasterkarien seme-alabentzat

XXIV. AzkoitiAzpeitia Maratoi Erdiak eta V. AzkoitiAzpeitia Lasterketa Motzak, "LUDOTEKA" zerbitzua eskainiko du bertan parte hartuko duten korrikalarien seme-alabentzat.

Ekimen horren helburua da, lasterketan gurasoen partehartzea erraztea, emakume eta gizonen kirol-praktikarako berdintasun aukerak sustatuz.

Zerbitzua doan izango da, eta haurren ardura tituludun pertsonen esku egongo da.

Ezaugarriak

- Adina: 3-10 urtera artekoei zuzenduta.

- Ordutegia: 15:00etatik -20:00etara.

- Lekua: Txiki-Txoko ludoteka (igerilekutik 50 metrotara).

Informazio gehiago eta erreserba:

943 150095 - kirolak@azpeitia.eus




AZKOITIAZPEITIA Izen emate irekiera

AUTENTICO COMO DIEGO BEZAIN HANDIA, horixe da Diegoren irudiarekin tartekatu dugun esaldia. Helmugako zinta balitz bezala, gure proba benetakoa dela gogoratu nahi dugu. Izan ere, maratoi erdia, distantzia ofizial bat da eta beste proba batzuk ibilbidea ez homologatzean eta epailerik ez izatean, ezin dira maratoi erditzat hartu. Bestalde, Handia hitza ere goraipatu nahi dugu. Diego handia zenik ez dago inongo zalantzarik baina Diego bezain handia da proba hau. Handia duen palmaresagatik, handia ordea bi herri txiki elkarturik, Europako maratoi erdi onenetakoa dutelako. Erakundeek, babesleek eta partaidek, beraien babesa eskaintzen badigute, gu prest gaude inongo irabazi asmorik gabe, beste behin lanean jarraitzeko eta proba hau dagokion tokian mantentzeko.
Gaur egun ez da erraza lortu duguna lortzea, baina orain arte egin badugu, proba honen handitasuna azaltzen jarraituko dugu. Diegok gogor egiten zuen lan, bere maratoiak prestatzeko. Guk lan gogorra dugu ardatz eta bere lanerako grina geure egin dugu probaren filosofia galdu ez dadin.

Gaurko egunez zabaldu ditugu izen emateak AZKOITIAZPEITIA lasterketan.
Ohikoa izan den bezala azken urteetan, Euskal Herriko maratoi erdi onena, lasterketa motzaz eta Roller probaz izango da lagundua.
2017an, aldaketa nagusia ibilbide berriak ekarriko du. Maratoi erdiko ibilbideak dagoeneko 6 urte zituen beteak, eta European Athleticsen arauetan dagoeneko iraungita zegoen (5 urte gehienez). Aldaketa aprobetxatuz, eta ikerketa ordu asko ondoren eta aukera desberdinak aztertuz, hobekuntza asko sartzen saiatu gara ibilbide berrian. Hurrengo asteetan erakutsiko dizuegu ibilbide berria.
Aldaketa honek, proba motza 600 metro luzatzea ekarriko du, 8,1km luzera eroso bat eginez.
Roller probak ia ibilbide berbera egingo du, irteera ezik, ez bai da sartuko Azkoitiko Plaza Berrin. Ala ere, modalitate honek, Loiolako Basilika ondoko galtzada izango du oztopo nagusia, 70 metrotan. Horren ondoren dena ibilbide eroso eta azkarra izango dute.

Izen ematea egin nahi dutenek, aurtengoan 3 bide izango dituzte:
Gaurtik hasita Kirolprobak-eko Web orrian:
MARATOI ERDIA:
2017-02-28arte,    21€ federatuak / 24€ ez federatuak
2017-03-24arte,    24€ federatuak / 27€ ez federatuak
2017-03-30arte,    27€ federatuak / 30€ ez federatuak

PROBA MOTZA ETA ROLLER<
2017-02-28arte,    12€
2017-03-24arte,    14€
2017-03-30arte,    19€

Bestalde, datorren astelehenetik aurrera, dendetan zabalduko ditugu izen emateak:
Donostia - ROBERS
Azpeitia - ROBERS
Azkoitia - PLAZA BERRI SPORT
Izen emate kuotak berdinak izango dira, baina ROBERS etxeak, joan den urtean bezala, 100 Euro baino gehiagoko erosketagatik kirol materialean, dortsala dohainik eskeiniko du.

Azkenik, taldeei beste izen emateko aukera emango diegu gure emailetik. Edozein atletismo edo kirol taldek izen ematean deskontu bat izango du. Horretarako ipin daitezela gurekin harremanetan azkoitia-azpeitia@azkoitia-azpeitia.com helbidean.
Izen emateko artxibo bat bidaliko diegu eta partaideen arabera deskontu desberdina izango dute.

Otsaila amaieran, ibilbide berria erakutsiko dizuegu.


Lํo entre las medias maratones

www.diariovasco.com/deportes/atletismo/201612/21/entre-medias-maratones-20161221003514-v.html


La Azkoitia-Azpeitia critica la "mala fe" de la Media Marat๓n

www.mundodeportivo.com/guipuzcoa/20161220/412758763013/la-azkoitia-azpeitia-critica-la-mala-fe-de-la-media-maraton.html




Babesten dute:




XEYE ELKARTEA

20730 Azpeitia (Gipuzkoa)
mail:azkoitia-azpeitia@azkoitia-azpeitia.com


© AZKOITIAZPEITIA 2017

                          WEB DESIGN:IRUDHITZ